"O prezo do combustible é un factor crítico para a competitividade e supervivencia do sector de transportes"

|

Almorzo informativo de Naturgy na Cu00e1mara de Santiago (1)

Almorzo informativo na Cámara de Comercio


A Cámara de Comercio de Santiago de Compostela acolleu este mércores unha sesión sobre o gas natural vehicular. O almorzo informativo contou coas explicacións do responsable de Mobilidade Zona Centro - Norte de Naturgy (antiga Gas Natural Fenosa), Salvador Jorge Moura, e a delegada de Eficiencia Zona Centro-Norte, María Francisca Rodríguez. 


Na xornada presentáronse as alternativa que existen na actualidade ao diésel no sector do transporte profesional profundando no gas natural vehicular, así como a situación dos prezos dos combustibles. 


Salvador Jorge indició en que o Gas Natural Licuado (GNL) está destinado a un uso máis profesional, mentres que en vehículos lixeiros e furgonetas compiten actualmente o Gas Licuado do Petróleo (GLP), con maior rede de infraestruturas, e o Gas Natural Comprimido (GNC), máis ecolóxico e económico. 


O responsable de Naturgy sinalou como única alternativa "actual e real" ao diésel o gas natural, que, a pesar de ter un lento desenvolvimiento, está a se expandir nos últimos anos. En canto a autobuses urbanos, falou das alternativas actuais: o autobús a gas, a tecnoloxía máis implantada en España; e o híbrido diésel-electricidade. Descarta o eléctrico puro por non ser "rendible nin operativo para unha implantación total urbana". 


Doutra banda, o almorzo informativo tamén deu para falar das subidas do prezo do cru e dos tipos impositivos ao diésel. "O custo do combustible en 2017 supuxo máis do 30% do custo das empresas de transporte, polo que o incremento dos prezos é un factor crítico para a competitividade e a supervivencia do sector", sinalou.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress