O Grove é un dos concellos no punto de mira da Operación Enredadera

|

A UDEF ten en marcha desde primeira hora unha operación contra o suposto amaño de contratos relacionados co control de tráfico. Por agora, filtráronse o nome de 22 concellos investigados.



Miguel angel perez ou grove

Miguel Ángel Pérez, alcalde do Grove, en 2014, cando se contratou o semáforo foto vermello


Entre eles hai un galego, o do Grove, segundo OK Diario. Galiciapress confirmou que o grupo de Aplicacións Gespol, a empresa epicentro da Operación Enredadera, traballou no citado Concello.


En concreto, Bilbomática instalou un Control de Foto Vermello na península pontevedresa en 2014, segundo figura nas súas redes sociais:



O Grupo Sacyr adquiriu a empresa Aplicacións Gespol ao conglemerado vasco Bilbomática en 2016. 


Galiciapress contactou co Concello do Grove para dar a súa versión dos feitos. Por agora, non houbo confirmación oficial da investigación por parte da administración, aínda que figura na listaxe de concellos ao que requirirá información o xulgado número 2 de Badalona.


Inicialmente filtrouse que tamén había concellos da provincia da Coruña afectados, pero por agora non transcendeu ningún caso concreto.


En 2014, cando se instalou o foto-vermello, gobernaba no Grove o PP de Miguel Ángel Pérez. Desde 2015 goberna o PSOE de José Antonio Cacabelos.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress