Convocan protestas ao quedaren libres 'La Manada' cunha fianza de 6.000 euros
O tribunal impón aos condenados a obrigación de comparecer os luns, mércores e venres no xulgado de garda da súa localidade.
A Sección Segunda da Audiencia de Navarra ditou a liberdade provisional baixo fianza de 6.000 euros para os cinco membros de 'La Manada' condenados a nove anos de cárcere por abuso sexual nos Sanfermines de 2016.
Unha decisión polémica que xa provocou reaccións en Galicia. Polo de agora hai unha concentración feminista "autoconvocada" para este xoves as 21 horas na Praza 8 de marzo de Santiago de Compostela. É probable que ao longo do serán xurdan novas convocatorias noutras localidades, vista a asistencia das manifestacións que houbo no seu día contra a sentenza inicial.
MEDIDAS CAUTELARES
Nun auto que previsiblemente se coñecerá este venres, o tribunal acorda que os cinco condenados poidan eludir a prisión provisional cunha fianza de 6.000 euros.
Ademais, o tribunal impón aos condenados a obrigación de comparecer os luns, mércores e venres no xulgado de garda da súa localidade.
Tamén lles impón a prohibición de entrar na Comunidad de Madrid, a prohibición de comunicación coa vítima, a retirada do pasaporte, e a prohibición de saír do territorio nacional sen autorización xudicial.
O auto conta cun voto particular discrepante, o do presidente do tribunal, quen avoga por prorrogar a prisión provisional de maneira incondicional.
Escribe o teu comentario