"Medio Rural mente e manipula a información", din dous colectivos de axentes forestais

Os axentes forestais son un dos activos chave para loitar contra os incendios, pois a miúdo dirixen a extinción en primeira liña. A piques de entrar o verán, a Xunta mantén a estes profesionais ao bordo do conflito laboral e, ademais, moi enfadados coa actitude da administración.

O secretario xeral de Medio Rural afirmou a semana no Parlamento que hai unha negociación aberta cos axentes, e que o Goberno propón unha subida de 2.000 euros ao ano. Hoxe dous dos seus centrais sindicais négano.

"CIG E UXT denunciamos a falta de negociación e a manipulación informativa da Secretaría Xeral Técnica de Medio Rural. Non existe negociación nin proposta seria para a mellora das condicións de traballo dos Axentes Forestais e Ambientais da Galicia, que seguen demandando horarios e salarios dignos", afirman nun comunicado.

SEN NEGOCIACION REAL

As centrais admiten que a Xunta lles enviou un proposta pero dinque ninguén se sentou en serio a negociala. Os sindicatos rexéitana por insuficiente, entre outros motivos, ante as "gardas no alto risco por miserias e con exceso horario".

Mais de 400 axentes manifestáronse nas rúas de Santiago de Compostela o pasado 24 de maio para reclamar unhas condicións de traballo dignas.