Solucións innovadoras para gasolineiras da man de Eco-Gate
Acordaron diferentes plans como as melloras nas infraestruturas de gas natural licuado (GNL) e de gas natural comprimido (GNC), combustibles e servizos loxísticos que "van encamiñadas a realizar de forma máis eficiente a carga dos vehículos e a reducir os custos de explotación nas estacións de servizo"
A Asemblea Xeral de Eco-Gate, proxecto europeo liderado por Gas Natural Fenosa, acordou as solucións innovadoras concretas que desenvolverá e implementará nas 21 gasolineiras que se poñerán en marcha en España, Portugal, Francia e Alemaña, como parte do plan europeo de acción global para o desenvolvemento da mobilidade sustentable.
Na reunión, que tivo lugar na sede de NEDGIA -a compañía de distribución de gas natural do grupo Gas Natural Fenosa en España-, acordáronse diferentes plans como as melloras nas infraestruturas de gas natural licuado (GNL) e de gas natural comprimido (GNC), combustibles e servizos loxísticos que "van encamiñadas a realizar de forma máis eficiente a carga dos vehículos e a reducir os custos de explotación nas estacións de servizo", segundo informou a compañía nun comunicado.
Así mesmo, acordouse a realización de "piloto reais con solucións avanzadas" para transformar vehículos de GNC a GNL, o que supoñería, segundo a empresa, unha mellora da eficiencia e das prestacións, así como unha redución de custos do automóbil.
Escribe o teu comentario