Un veciño con 23 pitóns na súa casa

|

A Guardia Civil investiga un suposto criadeiro clandestino de réptiles que tiña un veciño de Lugo con 23 serpes pitón nunha vivenda en Outeiro de Rei. 


Segundo informou o Instituto Armado, na tarde do mércores foron localizadas nunha vivenda unifamiliar no termo municipal de Outeiro de Rei 23 serpes da especie pitón real.


Pitones intervidas a un veciño de Lugo


As serpes estaban situadas en varios terrarios acondicionados para albergalas no interior dun alpendre anexo á vivenda principal, concretou a Garda Civil.

INCAUTADOS POLA AXENCIA
As mesmas fontes indicaron que o propietario das serpes, de 38 anos e veciño de Lugo, non puido xustificar a súa legal tenencia nin procedencia das serpes.

Destes feitos informouse á xefatura territorial de Medio Ambiente por supostas infraccións á lei de protección e benestar dos animais de compañía de Galicia. Os animais foron aprehendidos e quedaron a disposición de aduanas da Axencia Tributaria.

ROUBO CON FORZA
Por outra banda, a Garda Civil detivo ás 23,15 horas do mércores no termo municipal de Sarria (Lugo) a tres veciños de Ourense, identificados como I.B.R., de 32 anos; A.S.B., de 32 anos e N.S.B., de 25 anos, como presuntos autores dun delito de roubo con forza nas cousas.

Os presuntos autores atopábanse supostamente no interior dun establecemento hostaleiro sen autorización do seu propietario e foron detidos cando abandonaban o edifico. Os arrestados foron postos a disposición xudicial.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress