Abarrotado o auditorio de Vilagarcía en rexeitamento á mina de Touro - O Pino

O pasado mércores 23 de maio o auditorio de Vilagarcía de Arousa acolleu unha reunión informativa sobre os aspectos técnicos relacionados coa mina de Touro - O Pino. As 700 localidades da sala enchéronse durante toda a charla. 

As plataformas contrarias á mina convocaron esta reunión para concienciar á poboación da ameaza ambiental que supón o proxecto da empresa Atalaia Mining. Así mesmo, a organización quixo "deixar claro" á Xunta de Galicia a preocupación polo futuro da ría, pola saúde e pola herdanza. 

Os asentos do auditorio foron ocupados por autoridades como as rexedoras de Cambados, A Illa de Arousa, O Grove, entre outras. Tamén se acudiron traballadoras dos diferentes ámbitos do sector do mar e patroas das confrarías, unhas das afectadas directas da actividade mineira. 

Durante a reunión, interviñeron as doutoras en bioloxía María dos Ángeles Longa, directora de I+D+i do Consello do Mexillón; e Serafín González, investigador do Instituto de Investigacións Agrobiolóxicas de Galicia -CSIC, ademais do doutor en economía e profesor na USC Gonzalo Rodríguez. 

MANIFESTACIÓN

A Plataforma Mina Touro - O Pino Non e a Plataforma en Defensa dá Ría de Arousa, co apoio doutras institucións e asociacións convocaron unha manifestación o vindeiro domingo 10 de xuño, baixo o lema "Por un rural sostible, por unha ría con futuro". 

A marcha comezará ás 12.00h na Alameda de Santiago de Compostela, para finallizar na praza do Obradoiro. As organizacións convocantes aspiran a "encher" a praza par "presionar" coas súas "argumentacións" e que o Goberno autonómico non autorice o proxecto de Atalaia Mining e Explotacións Galegas.