Cargas no desaloxo do CSO A Insumisa da Coruña

A Policía Local da Coruña entrou esta noite na Comandancia de Obras para desaloxar o centro okupa A Insumisa. Segundo comunicaron fontes policiais, non había ninguén no interior do local. 

Segundo as activistas, o desaloxo non foi comunicado en forma e produciuse antes do prazo xudicial, polo que fixeron un chamamento a través das redes sociais para convocar unha concentración nas portas do Centro. 

"Antes de acabar o prazo para abandonar o inmoble e sen avisar á persoa notificada, a Marea Atlántica comeza o desaloxo do CSO A Insumisa, como non podía ser doutra forma, desaloxo irregular", é a mensaxe que compartiron en redes para convocar a concentración. 

Durante a mobilización, dúas mulleres conseguiron subir ao tellado do Centro Social e encadeáronse contra o desaloxo, e a policía cargou contra as manifestantes que se atopaban ás portas. 

🔴 #URXENTE #Coruña | Desaloxo do C.S.Ou. Insumisa. A Policía Local carga contra a xente que tenta entrar de novo non edificio. pic.twitter.com/e6GHWGHKBY

— Regeŋeracióŋ ⭐️♀️ (@RevRegeneracion) 23 de maio de 2018

LUZES Urxente: unha ferida por golpes dá policía non desaloxou dá Insumisa. pic.twitter.com/B16jk3kYxL

— manuel rivas barrós (@Rivasbarrs) 23 de maio de 2018

As naves ocupadas pertencían ao exército que foron cedidas ao Concello da Coruña polo Ministerio de defensa no principio do ano. O concello publicou un comunicado ao redor das 14.00h onde declara que recuperaron "a posesión da Comandancia de Obras, ben de dominio público que acollerá un innovador equipamento municipal dirixido á mocidade", aínda que non fixo referencia algunha ás cargas policiais.

Ou Concello recupera a posesión dá Comandancia de Obras, ben de dominio público que acollerá un innovador equipamento municipal dirixido á mocidade https://t.co/P6xLXzawnn pic.twitter.com/ot6IRf12H0

— Concello dá Coruña (@ConcelloCoruna) 23 de maio de 2018