Folga indefinida das traballadoras da Escola Municipal de Música
Esprofade S.L., que foi a única empresa que presentou unha oferta ao concurso de xestión da Escola Municipal de Música, especificou que non garante asumir a todo o persoal actual do centro.
Imaxe: Escola Municipal de Música
As traballadoras da Escola Municipal de Música (EMM) de Santiago de Compostela vén de anunciar que o vindeiro luns 21 empezarán unha folga indefinida para defender os seus postos de traballo.
A convocatoria indefinida chega despois de que o pasado 8 de maio se fixese público que a empresa de servizos culturais e deportivos Esprofade S.L. é a única compañía que se presentou ao concurso, deixando claro desde un principio que non garante asumir a todo o persoal actual do centro.
Nunha asemblea de urxencia celebrada este venres 18, as traballadoras decidiron por unanimidade comezar a folga indefinida "ata ter a certeza total e absoluta de que se van a manter os postos de traballo", segundo declararon nun comunicado da CIG -que ostenta a representación laboral no centro-.
O vindeiro luns 21 celebrarase a Mesa de Contratación "que ten que dirimir que ocorre coa candidatura da única empresa que se presentou ao contrato para xestionar o servizo", apuntan no escrito. O persoal lamenta que "a única certeza" que teñen agora mesmo é que "a día 30 de xuño acaba a súa relación coa empresa actualmente adxudicataria".
Tras o peche do pasado 8 de maio, Noriega reuniuse co persoal e asegurou que "comparte a preocupación lóxica e lexítima das traballadoras da Escola Municipal de Música e das familias usuarias". O rexedor comprometeuse a manter un contacto regular coas partes para informar das xestións" achega do proceso. O vindeiro luns avaliarase a oferta económica "de poderaa derivar unha proposta de adxudicación", explicou Noriega.
Escribe o teu comentario