Radio Galega estrea debates políticos locais e promete máis tempo para información cultural

|

A emisora pública galega responde as críticas -moi numerosas- por eliminar o actual formado do Diario Cultural e as desconexións locais. Faino prometendo debates entre as forzas políticas a nivel municipal e explicando que, na súa opinión, haberá máis espazo para a información cultural. 

 

Ana Romaní

Ana Romaní



Así, a Radio Galega anunciou que A CRTVG asegura que o novo formato de 'Diario Cultural' estará formado por "o mesmo equipo actual" e contará con "reforzos".


A Radio Galega anunciou que a partir do 10 de setembro vivirá "unha gran transformación" da oferta dos seus contidos e, entre as principais novidades, destacou a programación de debates semanais de ámbito local, que acollerán as delegacións territoriais da CRTVG.


DEBATES LOCAIS
Neles, participarán as forzas políticas con representación nas corporacións das sete grandes cidades galegas e nas deputacións provinciais, así como debates especializados nos ámbitos sociais ou económicos de impacto directo nas urbes e as vilas da comunidade.

Desta maneira, a CRTVG reivindica, nun comunicado este luns, a súa "aposta pola información de proximidade cuns espazos que poñerán o foco na realidade política, económica e social locais e metropolitanos", coincidindo, ademais, co curso político que terminará con eleccións municipais. Os debates serán moderados polos responsables de informativos de cada delegación da Radio Galega.

DIARIO CULTURAL
Esta é unha das novidades para o curso que vén, que tamén chegará cargado de polémica pola supresión do programa 'Diario Cultural', que actualmente se emite a partir das 15,00 horas e dirixe Ana Romaní.

Respecto diso, a CRTVG defendeu que agora haberá máis información cultural e que, de feito, este programa pasará a contar con "catro edicións diarias" de luns a venres en horarios de máxima audiencia, xunto coa creación de tres novas edicións en director o fin de semana e a creación dunha canle dixital cultural específico para que os oíntes poidan ter acceso á programación cultural de calquera clase de dispositivo.

Engade que esta nova programación, que "duplicará" o tempo do 'Diario Cultural', estará elaborada "polo mesmo equipo actual", e ao que se sumarán "máis reforzos para abarcar toda a nova oferta".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress