O comité do aeroporto de Santiago denuncia recortes no Servizo Sanitario

|

Lavacolla 2


O comité do aeroporto de Santiago de Compostela emitiu un comunicado de solidariedade coa familia do home que sufriu un infarto o pasado mes de abril no aeroporto e que faleceu apenas 14 horas despois no Hospital Clínico. 


Durante o suceso, que tivo lugar o martes 3 ao redor das 21.00h, o pasaxeiro de 64 anos foi atendido pola Garda Civil e usuarias do aeroporto. "O ocorrido vén corroborar a posición das representantes das traballadoras de que a eliminación do Servizo Sanitario e a substitución do mesmo por un protocolo de actuación delegando no 061 está totalmente afastada de calquera criterio sanitario", condena o comité no escrito. 


"A políticas de recortes de AENA no Aeroporto de Santiago están a ter consecuencias nos servizos que prestan as usuarias e traballadoras", din, e cualifican de "sinsentido" que se elimine o persoal sanitario cando "temos máis actividade que nunca". Lembran que o Xacobeo está preto, e que o aeroporto "necesita un Servizo Sanitario á altura" do acontecemento. 


O comité reclama un servizo de 24 horas, amparándose nos datos económicos de AENA. "Parécenos escandaloso", continúan, que "cun beneficio de 1.232 millóns de euros en 2017 e cun aumento do 37,4% dos beneficios no primeiro trimestre", a sociedade aeroportuaria "estea a economizar nun servizo tan básico no principal aeroporto galego", conclúen. 

relacionada Primeiro voo da conexión Vigo - Illas Canarias
relacionada Ryanair lávase as mans no caso da discapacitada que tiveron que embarcar en bolandas unhas amigas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial
Powered by Bigpress