Xornada mobilizacións en defensa das pensións o domingo 15 de abril

Xubiladas galegas, convocados por UGT e CC.OO, sairán á rúa de novo este domingo nunha ducia de cidades e pobos para reclamar pensións dignas. CIG-Ensino convocou ao profesorado en 23 localidades para loitar polas súas pensións e en contra dos recortes.


|

Mobilización pensionistas xubilados en Santiago de compostela


Os sindicatos UGT e Comisiones Obreras convocaron mobilizacións nunha ducia de cidades e pobos galegos para reclamar pensións dignas. As manifestacións serán ás 12.00h en todos os municipios excepto en Lugo, que terá lugar ás 12.30h desde o edificio da Xunta.


O resto de mobilizacións serán ao mediodía en: Santiago (Praza de Cervantes), A Coruña (Obelisco), Ferrol (Praza de España), Viveiro (ante o Concello), Foz (ante o Obelisco), Ourense (Praza Maior), O Barco (ante o concello), Pontevedra (Praza de España), Vigo (Marco), Vilagarcía (ante o concello) e O Grove (ante o concello).

Para ambos os sindicatos as medidas recollidas nos Orzamentos Xerais do Estado (PGE) son "parciais e insuficientes" e "non van solucionar o problema presente e futuro das pensións".

Respecto diso, critican que a pensión media en Galicia é de 788,5 euros, lonxe dos 918 euros da media do Estado, mentres o 64% das pensións na Comunidade non chegan á cifra do Salario Mínimo Interprofesional (o 50% no caso estatal). 



O PROFESORADO TAMÉN PARA

CIG-Ensino convocou onte ao profesorado para mobilizarse en 23 localidades galegas para recuperar os seus dereitos e por unhas pensións dignas. 


O sindicato declárase nun momento "de acumulación de forzas para dar unha resposta contundente que obrigue ao Goberno do PP en Madrid á derrogación das reformas laborais e das pensións", e que leve á Xunta "a comezar unha negociación real para que o profesorado recupere os seus dereitos". 


relacionada CIG-Ensino convoca ao profesorado en mobilizacións por unhas pensións dignas e pola recuperación de dereitos
relacionada Debatendo sobre as pensións públicas

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE