​Para chuparse os dedos, nada mellor que a feira das Neves

As Neves acolle o día 30 de marzo XXVII da coñecida Feira do Requeixo e Mel. Toda unha delicia gastronómica enxalzada nun completo programa que mestura gastronomía, deporte e cultura.

O prato forte de o programa, como non, a tradicional degustación de requeixo na Praza Maior, o venres a partir das 13 horas. Punto álxido dunha Feira que abrirá ás 11 da mañá.

CHUPA CHUS DE REQUEIXO

Unha semana antes, este venres 23, o cociñeiro Iván Méndez, da famosa Atafona Casa de Xantar de Santiago, ofrecerá un “showcooking”, para o cal é necesario reservar praza. Entre os pratos para crear, un moi peculiar, “chupa chups de requeixo das Neves, mel e noces”.

A música poñerana “De Vacas”, o divertido cuarteto galego popular polas súas peculiares versións de éxitos modernos. A súa actuación será o venres 30 a partir das dez da noite.

Tamén hai sitio para o deporte coa sétima edición da ruta de BTT (bicicleta de montaña). Será o domingo 25, mesmo día da Andaina do Requeixo.