Un bus escolar perde os freos e choca contra un muro
Os ocupantes dun autobús escolar, media ducia de nenos; o condutor e unha coidadora, resultaron ilesos tras perder o autocar os freos e precipitarse por un pequeno terraplén no termo municipal de Cuntis (Pontevedra).
Os ocupantes dun autobús escolar, media ducia de nenos; o condutor e unha coidadora, resultaron ilesos tras perder o autocar os freos e precipitarse por un pequeno terraplén no termo municipal de Cuntis (Pontevedra).
Microbús accidentado en Cuntis . Foto de @GxDRadioGalega
Segundo informaron a Europa Press fontes da Consellería de Educación e do 112 Galicia, o accidente tivo lugar sobre as 9,10 horas deste martes no lugar de Zo, no municipio de Cuntis, cando o autobús ía marcha atrás e chocou contra un muro tras perder os freos e precipitarse por un pequeno terraplén.
Debido ao sinistro deste autobús, que se dirixía ao CPI Aurelio Marcelino Rey García de Cuntis, bloqueáronse as portas, polo que os ocupantes saíron pola ventá de emerxencia, concretou Educación.
Finalmente os escolares foron levados ao CPI Aurelio Marcelino Rey García de Cuntis por familiares, concretou o servizo de emerxencias.
Escribe o teu comentario