Persecución policial por un condutor que provocou dous accidentes
Dúas patrullas interceptaron o coche na zona de Catro Camiños esta mañá.
Un home foi detido na mañá deste venres tras darse á fuga despois de chocar con dous vehículos na Coruña, segundo informaron a Europa Press fontes da Policía Local.
O coche foi interceptado por dúas patrullas da Policía Local na zona de Catro Camiños ao redor das 8,45 horas deste venres despois de chocar ás 8,42 horas con outro coche á altura da Casa do Mar.
Con anterioridade chocara con outro vehículo na Avenida do Porto en dirección saída da cidade herculina. En ningún dos sinistros se rexistraron danos persoais, confirmou a Policía Local.
O home detido foi trasladado a dependencias policiais, para tomarlle declaración e á espera de determinar os delitos que se lle atribúen.
Atopan o condutor que atropelou un ciclista e se deu á fuga
Buscan en talleres e garaxes a furgoneta que se fugou tras un atropelo
Escribe o teu comentario