Existiu unha oferta do Inter por Stanislav Lobotka

Durante o xa terminado mercado de inverno, xurdiu unha oferta do Inter por Stanislav Lobotka, tal e como confirmou o director deportivo do Celta de Vigo, Felipe Miñambres: "Remitímoslles aos 35 millóns da súa cláusula de rescisión. Aí acabouse todo".

Ademais, Miñambres confirmara que o equipo levaba semanas en contacto cos representantes do xogador eslovaco para mellorar as súas condicións, dado a súa máis que notable rendemento no conxunto céltico. Agora concretáronse parte das novidades que se executarán no seu contrato.

A proposta presentada inclúe un incremento da súa cláusula de rescisión, agora de 35 millóns de euros, e unha posible extensión do seu contrato, que de momento alcanza ata xuño de 2022.

Falando do resto do equipo, Miñambres destacou o seu equilibro actual e que, a pesar dos seus altibaixos, "imos cara arriba e a intención é estar preto da loita por conseguir unha praza europea". Tamén destacou o traballo de Iago Aspás, segundo o director, un dos "mellores dianteiros do mundo".