​PP e PSOE perden intención de voto en favor de Ciudadanos e Podemos

Sete puntos separan ao PP e Podemos.

O Barómetro de Opinión do Centro de Investigacións Sociolóxicas (CIS) do mes de xaneiro, o primeiro con datos de intención de voto desde as eleccións catalás, volve situar o PP como primeiro partido en estimación de voto, pero recolle o seu peor dato da lexislatura e só avantaxa en 3,2 puntos ao PSOE. Ciudadanos, pola súa banda, sobe tres puntos e aúpase á terceira praza adiantando a Unidos Podemos e as súas confluencias.

En concreto, o CIS outórgalle ao PP unha estimación de voto do 26,3% , 1,7 puntos menos que tres meses antes e sete puntos por baixo do resultado que lle deu a vitoria nas xerais de 2016. O PSOE repite como segundo, aínda que cae un punto respecto de outubro e marca un 23,1%. A terceira praza é esta vez para Ciudadanos, que tras gañar as eleccións catalás do 21 de decembro é a formación que máis crece e chega ao 20,7%, superando a Unidos Podemos e as súas confluencias, que soben algo menos e suman un 19%.

Amplía esta información en Pressdigital.