Vivendi

Aí non hai diferenzas ideolóxicas: o negocio é o negocio e o demais son temas menores. Hai que lembrar que Vivendi é o accionista maioritario do Grupo Prisa, onde as cousas non é que lle vaian ben polas presións que están a recibir, din que polo Goberno e por algúns empresarios con determinado rumbo político, aínda que non militen na formación dos seus amores monetarios. A venda de Acento sorprendeu a propios e estraños, aínda que, coñecendo as condicións da venda —uns 30 millóns, din algunhas fontes—, os dous fundadores, Blanco e Alonso, seguirán á fronte do proxecto.