maitours

Os traballadores e traballadoras de Maitours, concesionaria do bus urbano en Ferrol, continuan en folga tras 67 días reclamando a súa incorporación ao convenio provincial de transporte. Denuncian o que consideran inmobilismo da empresa e unha actitude evasiva do Concello e só boas palabras desde o goberno autonómico. Por outra banda, o inicio de curso trouxo un cambio no percorrido dalgunhas liñas e nas que se aplican uns servizos mínimos que consideran excesivos

As diferenzas salariais entre traballadores da mesma UTE, a negativa da empresa Maitours a sentar e negociar e mesmo a negativa a aplicar o convenio provincial do transporte, son parte das raíces do conflito laboral na empresa de transporte urbano. Tras máis de cincuenta e tres días (até o momento de publicar esta reportaxe) empresa e traballadores non chegaron a acordo algún