Ante a posibilidade de que Galicia alcance a próxima semana a fase 1 da desescalada, as distintas dioceses galegas publicaron unhas guías para o regreso a misa dos fieis, que deberán acudir con máscara á eucaristía e, tanto eles como o sacerdote, utilizar frecuentemente xel hidroalcohólico. Ademais, eliminarase o contacto físico en todo o posible, en particular no momento de dar a paz.