Os hórreos foron elementos consustanciais ao desenvolvemento agrario en Galicia. Fóra de tópicos e estampas, estas construcións falan por si mesmas dun sistema que buscaba preservar colleitas e alimentos cando isto era tarefa case imposible. De pedra, lousa ou madeira, en bloques de granito ou de cachote, as diferentes variedades son o reflexo dunha forma de adaptarse ao terreo e aos seus condicionantes.