Tres detidos en Vigo por secuestrar a unha persoa nunha vivenda

Tres cidadáns de orixe turca foron detidos este venres acusados de secuestrar a unha persoa nunha vivenda de Vigo, nun operativo despregado pola Policía Nacional na cidade olívica.

Así o confirmaron a Europa Press fontes da investigación, que tamén sinalaron que o domicilio no que tiñan retida a esta persoa está situado no barrio de Teis, preto da avenida de Galicia e da autoestrada.

Segundo trasladaron fontes xudiciais, está previsto que o tres detidos pasen este sábado a disposición xudicial por un delito de detención ilegal.