Morre un mozo atrapado por unha carretilla elevadora en Candeán, Vigo
Investígase as circunstancias do suceso suedido nas inmediacións de Parachán, entre Carral e Candeán, onde hai moitas leiras que acumulan chatarra e casas precarias.
Un mozo de 24 anos de idade faleceu este xoves en Vigo tras sufrir un accidente cunha carretilla elevadora, segundo confirmaron fontes da Policía Nacional.
O 112 Galicia informou de que o suceso tivo lugar pouco antes as 19,30 horas cando un particular alertou a Emerxencias de que un home quedara atrapado baixo unha carretilla elevadora no lugar de Parachán, na parroquia viguesa de Candeán.
O CIAE 112 Galicia alertou a Urxencias Sanitarias 061, aos bombeiros, Policía Nacional e Policía Local. Unha vez no lugar, os bombeiros rescataron ao novo, que foi atendido por persoal sanitario, e o vehículo foi retirado por un guindastre.
Fontes da Comisaría de Vigo confirmaron que, finalmente, o mozo resultou falecido.
Escribe o teu comentario