Morre unha muller de 33 anos cando viaxaba co seu bebé e a súa nai en Oia
O fatal sinistro tivo lugar en Lourenza, Oia (Pontevedra). A condutora chocou contra un muro. A súa nai, de 64 anos, trasladada ao hospital.
Unha muller, de 33 anos, perdeu a vida tras saír da vía o coche no que viaxaba, coa súa nai e o seu fillo, pola PO-354, ao paso por Lourenza, Oia (Pontevedra) e chocar contra un muro.
Segundo informou o 112, o suceso produciuse ás 13,00 horas deste venres e foron varios particulares os que deron a voz de alarma.
Até o punto desprazáronse os profesionais de Urxencias Sanitarias de Galici-061, que mobilizaron o helicóptero medicalizado con base en Ourense, os Bombeiros do Porriño, miembos do GES da Guarda e a Garda Civil.
Os bombeiros procederon a excarcerar á muller, que viaxaba no lugar do copiloto. A pesar dos esforzos, os servizos sanitarios nada puideron facer por salvarlle a vida.
Con todo, a nai da vítima, de 64 anos, foi trasladada ao hospital Álvaro Cunqueiro e o bebé foi dado de alta no punto, segundo detallou o 061.
Escribe o teu comentario