Unha muller, acusada de abusar sexualmente dun mozo nun centro para vítimas de machismo en Vigo
A investigada é unha muller que supostamente bicou e fixo tocamentos a un menor varias veces. A Fiscalía pídelle unha pena superior a tres anos, co que iría ao cárcere aínda que non tivese antecedentes.
O Centro de emerxencia para mulleres vítimas da violencia de xénero de Vigo está xestionado polo Consorcio de Servizos Sociais, que depende a consellería de Política Social da Xunta de Galicia.
A sección quinta da Audiencia Provincial de Pontevedra, con sede en Vigo, xulgará este mércores, día 8 de febreiro, a unha muller acusada dun delito de abuso sexual a un menor tras supostamente bicalo e realizarlle tocamentos en varias ocasións.
Os feitos ocorrerían no centro de Emerxencias para Mulleres Vítimas de Violencia de Xénero da cidade olívica e, por eles, Fiscalía solicita 4 e 5 meses de prisión.
Ademais, o Ministerio público solicita a prohibición de achegar á vítima ou comunicar a ela durante catro anos e a inhabilitación da muller para realizar algún traballo que leve contacto con menores durante polo menos tres anos tras a pena de cárcere.
Escribe o teu comentario