Rexistrado un sismo de 2.6 con epicentro en Ponteceso
Este tremor prodúcese un día despues de rexistrar varios na provincia de Lugo este sábado pasado
O Instituto Xeográfico Nacional (IGN) rexistrou un sismo de magnitude 2.6 con epicentro en Ponteceso, que, aínda que en principio non causou danos, percibiuse en varios municipios próximos.
O organismo estatal sitúa o tremor ás 22.39 horas do sábado. Antes das 23.00 horas, varios particulares chamaron ao 112 Galicia para informar de que o sentiron. En concreto, un deles avisou desde Cabana de Bergantiños --límitrofe a Ponteceso-- de que se deixou notar en varias zonas da comarca.
Con todo, o Centro Integrado de Atención ás Emerxencias (CIAE) non rexistrou danos por este terremoto, que se une ao total de 16 sismos que se produciron durante a noite do venres ao sábado na provincia de Lugo.
Escribe o teu comentario