Destrúe unha papeleta premiada con 15.000 euros, recompona cacho a cacho e termínaa cobrando no Porriño

O protagonista desta historia creu tirar ao lixo un simple papel sen valor, pero en realidade destruía unha participación premiada con 15.000 euros do Sorteo do Neno. Con paciencia e a axuda da súa familia, este veciño do Porriño conseguiu reconstruír o boleto troceado e reclamar o diñeiro.

TRITURADORA E PACIENCIA

Un home do Porriño poderá cobrar unha participación premiada co segundo premio do Sorteo do Neno tras lograr recompola despois de habela triturado accidentalmente. A papeleta formaba parte das que venderon os pais de alumnos do IES Ribeira do Louro, na parroquia de Torneiros, para recadar fondos destinados á viaxe de fin de curso. Cada participación correspondía a 15.000 euros, froito do segundo premio do popular sorteo do 6 de xaneiro.

O afortunado confundiu o seu boleto premiado con outro non agraciados que tiña en casa e introduciunos todos nunha trituradora. O erro non se descubriu ata que un familiar lle avisou de que unha daquelas papeletas formaba parte do número gañador.

RECONSTRUCIÓN CON PINZAS 

Ao dar conta do fallo, o home decidiu desfacer o desastre e tentou recuperar os pedazos de papel do interior da trituradora. Fíxoo acompañado dos seus sobriños e axudar de pinzas de depilar para recompor minuciosamente o boleto. Tras un laborioso traballo, logrou unir os máis de cen fragmentos e levar a papeleta reconstruída ao loteiro.

A administración “O X da Sorte”, no Porriño, confirmou a autenticidade do documento e deu luz verde ao cobro do premio. O seu responsable, Andrés Martínez, explicou a Europa Press que non é raro recibir papeletas rotas, aínda que recoñeceu entre risas que “nunca en tantos anacos”.

15 millóns repartidos no Porriño

O IES Ribeira do Louro repartiu en total uns 15 millóns de euros en premios do Sorteo do Neno no Porriño. Decenas de familias pasaron pola administración en busca da súa recompensa, e moitos aínda se atopan realizando as xestións necesarias antes de recibir o diñeiro.

Desde O X da Sorte esperan que todos os premios estean abonados antes de finalizar a semana. Pola súa banda, os organizadores da venda solidaria han mostrado a súa alegría polo impacto que o sorteo tivo na comunidade educativa e na localidade, que segue celebrando o golpe de fortuna que trouxo o novo ano.