As provincias da Coruña e Lugo entrarán este luns en alerta laranxa por temporal costeiro
O fenómeno adverso comezará á primeira hora na Mariña e no noroeste da provincia da Coruña
A Dirección Xeral de Emerxencias e Interior dá Viceprensidencia Segunda da Xunta activou para este luns unha alerta laranxa por temporal costeiro nas provincias da Coruña e Lugo.
Explicou nun comunicado que, segundo a Axencia Estatal de Meteoroloxía, o fenómeno meteorolóxico adverso de nivel laranxa comezará á primeira hora do luns na Mariña e no noroeste da provincia da Coruña por mar combinado do suroeste e con ondas de até cinco metros debido ao mar de fondo e vento do suroeste forza 8 de até 74 quilómetros por hora.
No resto do litoral galego, o nivel de aviso será amarelo, tamén por mar cominado de suroeste e por ondas de até cinco metros e mar de fondo e ventos do suroeste de forza sete.
Así mesmo, a alerta amarela por precipitacións acumuladas permanecerá activa en toda a provincia de Pontevedra, no suroeste da da Coruña e no sur da de Lugo, así como no noroeste e na zona do Miño de Ourense.
No que respecta á situación do vento, o aviso será amarelo por soprar do suroeste con refachos de até 80 quilómetros por hora na provincia de Pontevedra, A Mariña e noroeste, oeste e suroeste da Coruña.
Escribe o teu comentario