Accidente mortal nun desafortunado envorco en Alfonso Molina, A Coruña
A puerda do vehículo se abrio, facilitando o terrible desenlace. Emerxencias acudiu pronto, pero a muller xa falecera.
Unha muller de 49 anos faleceu na Coruña nun accidente de tráfico ocorrido na avenida de Alfonso Molina, pouco antes das doce da noite deste luns, segundo información facilitada pola Garda Civil.
O sinistro produciuse pouco despois das 23.50 horas no quilómetro 2,900 da AC-11 cando o vehículo circulaba por un dos viarios que hai en sentido saída da cidade.
Produciuse o envorco do coche e a porta da condutora e única ocupante abriuse. Nese momento, parte do corpo da vítima foi esmagado pola carrozaría, o que provocou o seu falecemento.
Fontes da investigación confirmaron que a muller levaba posto o cinto de seguridade.
Até o lugar, mobilizados polo 112 Galicia, desprazáronse efectivos dos Bombeiros da Coruña, así como axentes da Garda Civil de Tráfico e da Policía Local.
Tamén acudiron os profesionais do Servizo de Urxencias Sanitarias de Galicia-061, que nada puideron facer por salvar a vida da vítima.
Escribe o teu comentario