Pesar en Muros pola morte dun veciño de 70 anos ao que caeu encima unha árbore
Os feitos sucederon antes das 16 horas nun terreo da parroquia de Serres. Pese ao auxilio do helicóptero medicalizado, nada se puido facer por salvar a vida do accidentado.
Un home de 70 anos faleceu na tarde deste luns tras caerlle encima unha árbore mentres realizaba traballos forestais nunha leira particular do municipio coruñés de Muros.
O suceso tivo lugar minutos antes das 16,00 horas nun terreo da parroquia de Serres, segundo trasladaron fontes dos servizos de emerxencia.
Tras recibir o aviso, Urxencias Sanitarias 061 mobilizou o seu helicóptero medicalizado con base en Santiago, que se desprazou até a localidade muradá, pero non puido tomar terra polas características da zona.
Con todo, a persoa, veciña da zona, atopábase xa falecida como consecuencia do impacto recibido ao caerlle encima un eucalipto.
Ademais dos efectivos sanitarios, tamén se desprazaron ao lugar os membros do Grupo de Emerxencias Supramunicipais de Muros, Policía Local e Garda Civil.
Escribe o teu comentario