Rexeitan o traslado da Unidade de Saúde Mental ao Hospital de Día de Psiquiatría de Ourense

O persoal do Servizo de Psiquiatría do Complexo Hospitalario Universitario de Ourense (CHUO) manifestou o seu rotundo rexeitamento ao plan de Xerencia para a remodelación da área asistencial de Saúde Mental. A decisión de trasladar a Unidade de Saúde Mental e o Programa de Prevención de Suicidio ao espazo do actual Hospital de Día de Psiquiatría xerou unha fonda preocupación entre os profesionais do sector.
 

A persoal denuncia que estes cambios foron comunicados de forma precipitada a través da prensa e que non responden a unha planificación racional, senón á urxencia por demoler o edificio Novoa Santos. Consideran que esta remodelación supón o desmantelamento do Hospital de Día, cuxas instalacións xa eran deficitarias, e la redución do espazo da Unidade de Condutas Adictivas para dar cabida ao Hospital de Día de Saúde Mental Infanto-Xuvenil.
 

Ademais, o persoal advirte que a concentración de consultas no espazo do Hospital de Día provocará unha acumulación dos pacientes en salas de espera insuficientes e en condicións inadecuadas de ventilación e illamento acústico. Esta situación afectará directamente a preto de 30.000 consultas anuais que se realizan nesta unidade.
 

Outro dos puntos de conflito é o traslado do Equipo de Continuidade de Coidados a Piñor, o que suporá, segundo os profesionais, a desarticulación dos dispositivos de rehabilitación comunitaria extrahospitalaria, que até agora operaban de maneira coordinado. Ademais, o impacto sobre a Unidade Multidisciplinar de Saúde Mental do CHUO podería afectar a calidade da docencia que se ofrece a un total de 25 residentes de distintas especialidades.
 

Diante desta situación, o persoal de Psiquiatría do CHUO esixe á Xerencia información completa sobre o proxecto, do que afirman que apenas contan con detalles a pesar da inminente execución das reformas. Denuncian que estas accións supoñen un novo episodio de estigmatización e discriminación cara aos pacientes con enfermidades mentais, que ven alterado o seu modelo de asistencia sen consenso nin planificación idónea.
 

Os profesionais reclaman ademais que as asociacións de pacientes sexan incluídas no deseño organizativo e na planificación das accións sanitarias, tal e como establece o Plan Galego de Saúde Mental de Galicia PostCovid 2019. Finalmente, insisten na necesidade de tratar a Saúde Mental con maior seriedade e consideración para garantir unha atención de calidade para a cidadanía ourensá.