A taxa de abortos diminúe cada ano en Galicia

A finais deste pasado mes de decembro o Ministerio de Sanidade publicaba as cifras correspondentes á Interrupción Voluntaria do Embarazo (I.V.E.) ou aborto. Estes datos suxírennos que Galicia se atopa nunha posición particular respecto de España e que ademais, cada vez prodúcense menos abortos.

A situación da comunidade galega en canto ás cifras sobre o aborto que arroxan a estadísticas marca a diferenza con respecto a outras comunidades. Galicia é a comunidade cunha menor cifra de abortos en España, aínda que iso pode deber principalmente a que tamén é unha das que menos mulleres en idade fértil ten. Galicia ten unha idade media de 48,01 anos, tan só superada por Castela e León —48,14— e Asturias —49,07—.

Parece, con todo, que cada vez a taxa da Interrupción Voluntaria do Embarazo é máis baixa. En 2012, 7,01 de cada 1000 galegas abortaba. En 2021, esta taxa pasou a ser do 5,37‰.

Á COLA DOS ABORTOS

A comunidade galega é a última de España en canto a cifras de abortos. En 2021 rexistraba 5,37 abortos por cada 1000 mulleres. No entanto, ter unha poboación envellecida non parece ser o único motivo que arrastra a Galicia ao final das táboas, xa que Asturias, cunha poboación máis envecida que a galega, encabeza as cifras de interrupcións voluntarias do embarazo, en cuarta posición.

Cataluña e Madrid son as comunidades que máis abortos practican. A segunda destas, ademais, faio sempre en centros privados, pois en toda a comunidade de Madrid non existe ningún centro público que realice abortos, mentres que existen sete de carácter privado.

Cataluña, pola súa banda, é a antítese. Conta cun total de 68 centros público para a interrupción do embarazo e un total de 15 privados. Trátase da cifra máis alta de centros de entre todas as comunidades autónomas.

Galicia, pola súa banda, conta con oito centros públicos e tres privados. Ademais, Madrid non é a única comunidade que non conta cun servizo público que permita ás mulleres abortar, senón que as comunidades de Aragón, Castela-A Mancha, Estremadura, Murcia, Navarra e as cidades autónomas de Ceuta e Melilla tampouco contan con ningún.

A pesar de que as cifras de abortos sufriron un paulatino descenso a nivel nacional, desde 2012 rexistrouse un aumento do número de centros que practican abortos. Na última década aumentamos céntroos de 189 a 210.

ABORTO EN MENORES DE IDADE

En España, as mulleres menores de idade poden abortar coa lei actual 2/2010, pero sempre que sexan maiores de idade sanitariamente, é dicir, que teñan 16 anos ou máis. Por tanto, isto limítanos á franxa de idade dos 16 aos 18 para as menores de idade.

Para aquelas nenas e adolescentes de menos de 16 anos é necesario o permiso dos pais ou representantes legais para interromper voluntariamente o embarazo, o que podería provocar desacordos cos proxenitores das menores.

O Sergas proporciona datos tamén sobre os abortos en menores de idade. En 2019, un total de 97 menores de idade abortaron en Galicia. Destas, 29 tiñan menos de 16 anos.