Galicia "controla de momento" o sarampión: dous casos desde 2021

A Organización Mundial da Saúde (#OMS) retirou a España a consideración de país libre de sarampión, status que mantiña desde 2016. O resurgimiento do virus, motivado polo descenso na vacinación e o aumento global de contagios, provocou que se restableza a transmisión endémica do sarampión no territorio nacional.

Segundo o Ministerio de Sanidade, os casos pasaron de 11 en 2023 a 227 en 2024 e preto de 400 en 2025, o que levou ao Comité Rexional Europeo da OMS a confirmar cadeas de contaxio superiores a 12 meses. A subdirectora do Centro de Coordinación de Alertas e Emerxencias Sanitarias, María José Sierra, explicou que o organismo internacional insta a reforzar a vixilancia e a vacinación, especialmente fronte á caída na segunda dose da tripla vírica.

Galicia, con cifras estables

En Galicia, a situación é moi distinta. Desde 2021 só confirmáronse dous casos, un importado e outro vinculado ao primeiro, sen que se detectaron brotes locais. As sospeitas aparecidas nos últimos anos foron descartadas tras as análises do Sergas.

A Consellería de Sanidade destaca que a comunidade mantén unha cobertura de case o 95% en ambas as doses da vacina, o que garante unha ampla protección fronte á transmisión. Aínda así, as autoridades galegas recomendan reforzar a vacinación entre colectivos expostos, como profesionais sanitarios, migrantes e viaxeiros, para previr contagios esporádicos.

A OMS lembra que a perda do status non implica un risco xeneralizado, pero si esixe manter a vixilancia activa e asegurar que ningún caso sospeitoso quede sen identificar.