O magosto é bo para o corazón: expertos de Quirónsalud encomian os saudables beneficios da cataña

É tempo de magosto en toda Galicia. Aquí e alá chéganos o rico cheiro das castañas asadas, un produto típico do inverno e que consumimos á calor da cheminea e, si é posible, acompañados de boa música. Isto, que pode parecer unha festa -e o é-, en realidade é unha escusa perfecta para coidarnos, pois é a castaña un alimento que garda moitos beneficios que resultan ideais para unha correcta saúde cardiovascular, como outros moitos produtos de tempada. 

PRODUTOS DE TEMPADA

Así o salienta a nutricionista de Quirónsalud Marta Pilar de Villar Castela, que pon o exemplo da castaña, como ocorre coas noces e outros produtos de tempada, como un achegue nutricional fantástico para a nosa saúde. Así, xa sexan "ao natural ou asadas", resultan "buenísimas para coidar a nosa saúde cardiovascular e ideais para picar entre horas sen sentirnos para nada culpables".

De feito, os profesionais recomendan precisamente incluír na nosa dieta un puñado de froitos secos ao día, xa que son moi beneficiosos para unha boa saúde, e o outono achega moitos para manter unha dieta equilibrada e acorde á tempada. 

Precisamente, no outono, podemos botar man de laranxas ou mandarinas para non esquecernos esas "tres pezas de froita ao día" que nos recomendan os nutricionistas, pero tamén de mazás ou peras, podendo cociñalas "ao forno cun toque de canela", ou incorporar ás nosas ensaladas selectas e higos, ademais dos xa mencionados froitos secos. 

Non podemos obviar tampouco as cabazas, os boniatos, os cogomelos ou todos os legumes, en especial lentellas e garavanzos, tan socorridas en días de choiva e frío, pois resultan "unha maneira barata e sinxela de proporcionar un bo achegue de proteína vexetal". De Villar tamén nos convida a darnos algún caprichito pequeno, como pode ser o queixo con marmelo, que serve tamén "para coidar o noso sistema dixestivo e achegar calcio".

Estas propostas son, ao seu xuízo, "a mellor maneira de recibir o que a natureza nos ofrece; primeiro porque os produtos de tempada estarán no seu momento óptimo de consumo, tanto polo seu sabor como polas súas propiedades; e tamén porque estaremos a contribuír a coidar o medio ambiente". A continuación, considera oportuno "aproveitar o cambio horario e a diminución das horas de luz para adiantar a cea, e así contribuír a mellorar as dixestións e o descanso nocturno".