A imposibilidade de eructar, un curioso trastorno sobre o que advirte Quirónsalud

Eructar, con maior ou menor decoro, é algo que facemos todos. En ocasións o corpo pídeo e pode resultar un alivio ante a acumulación de gases. No entanto, aínda que sexa algo natural, non é unha función que teñamos todos, por estraño que poida parecer. Así o advirten os expertos de Quirónsalud, que pon o foco sobre unha patoloxía moi rara que impide eructar e que pode ser, mesmo, un trastorno limitante para os que o sofren. 

UN PROBLEMA SERIO

"Trátase da disfunción cricofaríngea retrógrada, un trastorno do esfínter esofáxico superior que bloquea a saída do aire acumulado no esófago e impide eructar de maneira normal", detallan desde a firma médica, á vez que o otorrinolaringólogo Raimundo Gutiérrez Fonseca abunda sobre este "problema moi concreto, pero á vez moi limitante para o paciente". 

"Quen o sofre sente que algo non funciona ben no seu corpo, pero moitas veces descoñece que existe un diagnóstico e, o que é máis importante, un tratamento", di o galeno, mentres apostila que, en ocasións, pode confundir esta disfunción con outros problemas. 

Ademais da imposibilidade de eructar, hai outros síntomas como a presión en pescozo e peito, dor torácica, sensación de hinchazón e dificultade respiratoria, entre outros. "A ansiedade, o illamento social ou a incomodidade en reunións e comidas con amigos son habituais nestes pacientes", asegura o galeno. Nese sentido, o descoñecemento fai que moito afectados non saiban que lles ocorre e o diagnóstico chegue moi tarde.

"Aínda que poida soar anecdótico, non poder eructar condiciona a vida das persoas que o sofren. Romper o silencio e divulgar que existe este trastorno é o primeiro paso para axudar a quen levan anos convivindo con el sen respostas claras", manifesta o dotor, que insiste na necesidade de someter aos estudos pertinentes para, se fose necesario, comezar con ratamientos avanzados capaces de restablecer a función normal do esfínter esofáxico superior.

"O diagnóstico realízase en consulta cunha exploración otorrinolaringológica especializada, e nalgúns casos apóianse estudos que permiten valorar o funcionamento do esfínter. A partir de aí, deseñamos unha estratexia personalizada para cada paciente, en función da gravidade dos seus síntomas e da súa anatomía. Animamos a calquera persoa que presente estes síntomas a consultar cun especialista. Hoxe dispomos de tratamentos que permiten recuperar a normalidade e mellorar a calidade de vida de forma notable", gabia o doutor Gutiérrez Fonseca.