Protesta contra as listas de espera do SERGAS en Ourense, máis de 80 días para unha cirurxía

As listas de espera en Ourense convertéronse no principal obstáculo para acceder a unha atención sanitaria de calidade. Segundo os datos máis recentes, os pacientes da provincia deben agardar unha media de 86 días para ser atendidos nunha primeira consulta hospitalaria, unha cifra que supera amplamente os 46 días rexistrados noutras áreas galegas como Santiago. 

O tempo de espera para probas diagnósticas tamén é alarmante, superando os 60 días e chegando a alcanzar até 149 días en procedementos como as endoscopias. Para as cirurxías, o prazo disparouse nun ano de 68 a máis de 80 días, o peor de toda Galicia.

 Este atraso sostido non só incumpre os prazos legais establecidos pola Xunta, senón que ademais agrava o estado de saúde física e mental de quen esperan unha solución aos seus problemas médicos.

CRISE NA ATENCIÓN PRIMARIA

A Atención Primaria, considerada a porta de entrada ao sistema sanitario, tampouco escapa a esta deterioración. En moitos centros de saúde de Ourense, os pacientes deben esperar máis de dúas semanas para conseguir unha cita, cando o recomendable sería recibir atención nun prazo máximo de 48 horas. Esta situación afecto especialmente ás zonas rurais, onde a falta de recursos e a escaseza de persoal sanitario incrementan a sensación de desprotección entre a poboación.

Desde a plataforma SOS Sanidade Pública Ourense denúnciase que as cifras oficiais publicadas pola Consellería de Sanidade non reflicten a magnitude real do problema. Moitas persoas que esperan unha consulta, unha proba diagnóstica ou unha intervención cirúrxica non aparecen nas estatísticas, ben porque os seus casos non foron formalmente citados ou porque foron derivados ás chamadas “caixas de correos”, unha práctica que, segundo a plataforma, contribúe a maquillar os datos e a ocultar o colapso asistencial.

MOBILIZACIÓN SOCIAL E ESIXENCIAS

Ante esta situación, a plataforma cidadá ha convocado unha concentración o vindeiro mércores 12 de xuño ás 12:00 horas fronte ao Edificio de Cristal do Complexo Hospitalario Universitario de Ourense. O obxectivo desta protesta é visibilizar o rexeitamento social á xestión actual das listas de espera, esixir transparencia e reclamar un reforzo decidido da sanidade pública, fronte ao que consideran unha deriva cara á privatización dos servizos sanitarios.

Entre as demandas de SOS Sanidade Pública Ourense destacan a publicación íntegra e transparente de todas as listas de espera, incluíndo a quen agardan unha cita formal ou foron derivados a mecanismos opacos.

 Tamén reclaman a posta en marcha dun plan especial para xestionar as demoras, cun incremento de recursos públicos e ampliación de persoais, así como a recuperación e dignificación da Atención Primaria, especialmente no ámbito rural. A plataforma insiste en que a solución non pode pasar por derivar pacientes á sanidade privada, senón por fortalecer a rede pública e garantir o acceso universal á atención sanitaria.

O #SERGAS respondeu ás críticas polas listas de espera en Ourense defendendo a súa xestión e subliñando que o sistema sanitario galego organiza a atención en función da gravidade clínica de cada caso. Segundo a administración sanitaria, os pacientes con patoloxías urxentes reciben prioridade e son atendidos en prazos rápidos, mentres que os casos menos graves poden experimentar demoras maiores. O SERGAS sostén que ningún paciente queda desatendido e que, se a situación dun usuario agrávase, pode ser derivado de forma prioritaria a través dos mecanismos establecidos en atención primaria.

A Xunta tamén afirmou que no último ano reducíronse os tempos de espera tanto en cirurxías como en consultas e probas diagnósticas respecto ao exercicio anterior, destacando o incremento de intervencións e consultas realizadas en 2023. O xerente do SERGAS asegurou que se han implementado plans de intensificación da actividade sanitaria, o que permitiu aumentar nun 18% as intervencións cirúrxicas e nun 22% as consultas externas con respecto a anos previos. 

En paralelo, o SERGAS recorreu á colaboración con hospitais privados para reducir as listas de espera en Ourense, encargando a centros como o Hospital Vithas Vigo a realización de cirurxías de alta complexidade para pacientes ourensáns, co obxectivo de axilizar a atención e cumprir os prazos legais establecidos.