Máis de 60.000 firmas piden acaban co negocio das granxas peleteras en Galicia
Unha campaña da Fundación Franz Weber trata de pechar estas explotacións dun negocio "tan cruel como innecesario".
As granxas de visóns volven ser noticia en Galicia . Non por ser o foco dun brote de Covid-19 ou de gripe aviaria, sucesos que sucederon no pasado e que, parece, volverán ter lugar e a ocupar titulares. Nesta ocasión, é a propia actividade destas e outras explotacións peleteras as que están no punto de mira de colectivos animalistas como a Fundación Franz Weber, que puxo en marcha unha campaña para pechar estas granxas e que xa conta con 60.000 asinantes.
23 GRANXAS POR TODA GALICIA
A colectivo denuncia que, a pesar de ser un dos focos principais de propagación do coronavirus durante a pandemia, non se rexistraron "grandes cambios" no relativo á vixilancia nestes espazos. De feito, só en Galicia, hai 23 explotacións deste tipo, sobre todo na Coruña, onde as peles dos animais utilízanse para abrigos, estolas ou gorros de visón.
A organización, tanto na súa nota como na propia web na que recollen os apoios dixitais, lembra que este é "un negocio cruel que contamina solos e augas subterráneas, e crea un impacto negativo para a biodiversidade autóctona, polas continuas fugas dos visóns americanos das gaiolas, como se detectaron mesmo no Parque Nacional Illas Atlánticas".
Ao tempo, desde a Fundación consideran que o Estado debería ter un papel principal no proceso de peche das granxas, coa responsabilidade de proporcionar "alternativas empresariais e de emprego cunha verdadeira perspectiva de futuro" aos afectados pola decisión.
"Un 70% das novas enfermidades que xurdiron nas últimas décadas son de orixe animal, multiplicadas polas condicións de hacinamiento e sucidade das granxas, xerando un perigoso reservorio de novas pandemias máis perigosas e mortais para os próximos anos", lembran sobre este negocio "tan cruel como innecesario".
Nesa liña, lembran a decisión adoptada por grandes firmas como Inditex, que prescindiron da peletería e, no seu lugar, empregan materiais sintéticos. Zalando, Hugo Boss ou Vans tampouco utilizan estes materiais, entre outras.
Escribe o teu comentario