Subvencións para adaptar vivendas de maiores no rural de Ourense

A Xunta de Goberno da Deputación de Ourense acordou unha nova liña de axudas, dotada con 100.000 euros, destinada a adaptación de vivendas de persoas maiores de 65 anos en municipios de menos de 20.000 habitantes.

Esta nova liña de axudas a persoas maiores de 65 anos, empadroadas nos concellos da provincia de menos de 20.000 habitantes, que sexan propietarias, usufructuarias ou arrendatarias de vivendas que necesiten o servizo de adaptabilidad e/ou aluguer de axudas técnicas (por exemplo, camas articuladas) para a adecuación funcional da súa vivenda habitual.
 

O obxectivo é mellorar a súa autonomía e calidade de vida, así como propiciar a súa permanencia no seu fogar en condicións de seguridade.

As solicitudes poderán optar a unha subvención máxima de 2.000 euros e non poderán superar o 100% do gasto total que implique o servizo de adaptación da vivenda ou de axuda técnica.

Por outra banda, esta xunta de goberno da Deputación tamén aprobou 100.000 euros para equipos dun centro de día para atención a maiores en Vilamarín, así como 40.000 euros para arranxar o pavimento de rúas de Castrelo do Val.

Noutra orde de cousas, o presidente da Deputación de Ourense, Luís Menor, visitou este luns a sede do Consello Regulador da denominación de orixe (DO) Monterrei para abordar a creación dun novo plan estratéxico da denominación, así como liñas de axudas para o sector. Tamén visitou a leira experimental do Inorde, na contorna do castelo de Monterrei, onde se desenvolve un proxecto piloto de agricultura regenerativ.