(VIDEOCPLIPS) Carla Lourdes convídanos a coñecer 'O Día que Descubrín o Lunar da túa Orella', o seu álbum debut

Este 25 de abril é moi especial por moitas cousas. Cúmprense 51 anos da Revolución dos Caraveis en Portugal, unha data que é símbolo de liberdade e fraternidad. Talvez por iso Carla Lourdes, de raíces bercianas pero residente en Vigo desde hai anos, elixiu esta data para lanzar o seu álbum debut, xa que os seus temas son un canto a todo iso e máis nun percorrido por unha decena de temas que axudan a coñecer en profundidade o universo desta artista emerxente.

UNHA VIAXE SOA DE IDA

'O Día que Descubrín o Lunar da túa Orella' (Esmerarte, 2025) é o título deste primeiro traballo dunha olívica de adopción que estreará o seu directo no vindeiro venres 2 de maio na Fábrica de Chocolate de Vigo. Antes, quixo agasallar aos fans coa publicación do videoclip de 'Chea de pecados', un dos temas que protagonizará o seu percorrido de presentación este verán, que inclúe festivais da talla do PortAmérica ou o Río Verbena Fest, que xa esperan por escoitala en directo nesta nova etapa que sucede á súa EP debut 'O querer das flores'.

Esta posta de longo inclúe, ademais, un tema inédito que só está dispoñible para aqueles que se fagan co disco en formato físico, xa sexa en CD ou vinilo gatefold transparente, ambos cun libreto de 12 páxinas que completa esta "serie de diarios persoais da artista relatados baixo a batuta dunha estrutura Pop pegadiza difuminada con toques de Indie patrio e de refráns coreables". 

"O álbum deslízase canción a canción cunha voz doce sempre protagonista que explora rangos vocais máis agudos que pon énfases nas partes máis bailes. O debut trata tamén o tema do amor e a procura da estabilidade no mesmo", detalan desde Esmerarte, mentres que a autora o define como "unha viaxe que só ten billete de ida".