Morre electrocutado no hospital: falece un obreiro no Hospital do Barbanza (Ribeira)

Un operario faleceu este xoves no Hospital de Barbanza mentres traballaba en obras de reforma e mellora da climatización no bloque cirúrxico do complexo.

Así o confirmaron fontes sanitarias, que explicaron que a empresa encargada de acometer esta reforma, adxudicada por concurso público, iniciaba este xoves as obras programas para realizar durante os próximos días.

Segundo indica A Voz, o operario sufriu unha electrocutación. Dado o lugar onde se produciu o sinistro, os servizos de urxencia atenderon ao electrocutado case inmediatamente, moi poucos minutos despois do suceso, pero non puideron salvalo.

Pertencía a unha empresa de Miño e era natural da zona de Oza Cesures. Os traballadores sinalaron tamén que é necesario investigar o sucedido e garantir que isto non volva suceder.

Esta mañá ás 11 horas houbo unha concentración de silencio ás portas do recinto público. 

O traballador foi inmediatamente atendido no servizo de urxencias do hospital e o suceso foi comunicado oficialmente á policía, que investiga o sucedido.

COMUNICADO DO SERGAS

Lamentamos profundamente o accidente laboral mortal ocorrido na tarde de onte durante as obras de renovación e mellora da climatización do bloque cirúrxico do hospital de Barbanza.

A dirección do hospital transmitiu persoalmente as súas condolencias á familia e púxose á súa disposición.

Tanto a dirección da área como o comité de Seguridade e Saúde no Traballo, que xa fora convocado a reunión hoxe, súmanse ao pesar.

A empresa encargada de levar a cabo esta reforma, adxudicada mediante concurso público, iniciou onte as obras que está previsto que se executen nos próximos días.

O traballador foi atendido inmediatamente en urxencias do hospital.

O incidente foi reportado oficialmente á policía, quen están a investigar o sucedido.