Residencia A miña Casa de Ferrol: Gerocultoras facendo labores de limpeza e petición de conciliacións no xulgado

A situación laboral das gerocultoras na residencia A miña Casa en Ferrol foi cualificada como "lamentable" por representantes sindicais. Segundo denuncias presentadas por delegadas da Confederación Intersindical Galega (#CIG), as traballadoras da miña Casa enfróntanse a unha situación de "escravitude" laboral, con salarios que cualifican de "indignos" e que non permiten chegar a fin de mes. A central sindical ha sinalado que, para atender a 47 persoas usuarias grandes dependentes, só hai "catro gerocultoras --ou cinco no mellor dos casos--, que se teñen que encargar de asear, vestir, levantar e dar o xantar en apenas dúas horas". A precariedade non só afecto ás gerocultoras, senón que se estende a outros departamentos. Por exemplo, no servizo de limpeza, para unha residencia con 135 persoas usuarias, só contan con catro traballadoras na quenda de mañá e dúas no de tarde.

SITUACIÓN LABORAL

Beatriz Fernández, CIG, sinala que non se repartiron os calendarios laborais para 2025 entre o cadro de persoal, algo que sucedeu tamén en 2024. Tampouco figura ningún calendario de vacacións. Isto afecto a todo o persoal pero no caso das gerocultoras trae parello realizar tarefas como as de limpeza. E é que o número de persoas contratadas para limpar áreas da residencia non é suficiente. 

Atender estes labores impide a observación e seguimento de maiores grandes dependentes. A consecuencia inmediata desta situación é a ruptura dos cocientes de gerocultoras por número determinado de usuarios. “En situacións así os cocientes non serven para nada”, di Fernández, quen lembra que xa se pediu á dirección o contrato de máis persoal de limpeza. 
 

Ao xa mencionado súmase que ás traballadoras de limpeza non se lles actualizou o salario segundo a última paritaria. Desde a CIG aseguran que a empresa dixo que non ten por que actualizar salarios. Isto motivou a denuncia de varias traballadoras e que a quen non ten este asunto xudicializado estáselle pagando “a metade da metade”. Por outra banda, a conciliación para as traballadoras volveuse un problema pois a empresa non facilita este dereito, o que provocou que tamén acabe nos tribunais. 

CONTACTOS COA DIRECCIÓN

A convocatoria dunha concentración do persoal desta residencia o 10 de febreiro foi a saída máis contundente para chamar a atención tanto da xerencia como da propia empresa: Idade Dourada Mensaxeiros da Paz Norte, pero coñecida como A miña Casa en Ferrol. 

Segundo as traballadoras, o intento de falar coa directora do centro foi imposible até agora. Nestes momentos está en período de conciliación e cando se achega á residencia di “estar enterrada en papeis” e que ante a situación laboral a súa resposta é “todos nos equivocamos”. En tal caso, o comité de empresa asegura que é moi complicado reunir tanto coa directora como coa responsable de RRHH. O comité denuncia ademais, “manobras” para cubrir prazas de conciliación sen recorrer ao concurso público. “Isto sucedeu cunha compañeira pero ao final interveu o comité para que si saíse a concurso”.

Noutra reunión, pediuse á dirección atender as solicitudes de conciliación denegadas xunto con licenzas retribuidas. A solución foi sacar un papel no cal as licenzas retribuidas se suplantan cos catro días de permiso aprobados polo Goberno. “Eses días non son para que ti déasmos, son para a miña disposición”.  Por último, volvendo aos cuadrantes de horarios, “todas as semanas cambian os cuadrantes”. Por iso a maioría de traballadoras non sabe cando debe ir traballar e reclaman cuadrantes feitos pola empresa cinguidos á realidade do número de contratacións.

En definitiva, as traballadoras e os sindicatos esixen melloras urxentes como "ser tratadas como profesionais", contar cun convenio colectivo que contemple "salarios dignos e condicións laborais xustas", e poder "desenvolver as súas funcións coa dignidade e o tempo que os maiores merecen e precisan".

A situación na miña Casa e outras residencias privadas pon de manifesto a necesidade dunha revisión profunda do sistema de coidados a longo prazo en España, especialmente no que respecta ás condicións laborais de quen coidan aos maiores.