A Mesa denuncia o "proceso cheo de irregularidades" que levou a un rianxeiro a xuízo por pedir atención en galego

Ás portas dos xulgados de Santiago de Compostela recibiron con pancartas e aclamacións ao veciño de Rianxo que se presentou ao xuízo no que fora citado tras un episodio no que, durante un cribado da Covid, tivo un rozamento coas autoridades por demandar atención en galego no seu centro de saúde. 

Os feitos ocorreron en abril de 2021 pero non foi até hoxe que o afectado tívose que persoas nos xulgados despois de "un proceso cheo de irregularidades", como denuncian desde A Mesa pola Normalización Lingüística, que denunciou no seu día os feitos e que ausme os gastos para a defensa do denunciado. 

Desde a plataforma destacan tanto a concentración cidadá que o recibiu nos xulgados como a "valentía" que demostrou o afectado polo seu defensa dos dereitos lingüísticos "fronte ao ataque das institucións" que, entenden desde A Mesa, son as responsables de "defendelos".

"A intención da administración sanitaria, da policía local e da Delegación do Goberno detrás destes feitos", entenden desde A Mesa, "amedrentar a calquera cidadán que manifeste intención de exercer os seus dereitos lingüísticos". "Só así se explica que se admita como válido un ateigado no que a policía admite mentir a un cidadán sobre as garantías de exercicio dos dereitos lingüísticos recoñecidos pola Lei de emprego público de Galicia, polo Estatuto básico dos empregados públicos, pola Lei de Normalización Lingüística, pola Lei orgánica de Estatuto para Galicia ou pola Carta Europea das Linguas", setencia Marcos Maceira, president da organización.

"A entidade de defensa da lingua lembra que calquera cidadán ou cidadá que vexa vulnerados os seus dereitos lingüísticos pode solicitar axuda a través da Liña do Galego", lembran, á vez que manifestan tentar porner en contacto coa Delegación do Goberno en Galicia "para pedir unha reunión co responsable e para esixir formación ao respecto para as forzas e corpos de seguridade do Estado, co obxectivo de que esta situación non se volva a repetir".