O helicóptero de Salvamento Marítimo buscará pélets na zona de Valdoviño
Así o trasladou a Delegación do Goberno nunha mensaxe remitida aos medios no que sinalan que a hora de saída da aeronave do servizo de Salvamento con base en Santiago de Compostela dependerá das condicións meteorolóxicas.
O helicóptero Helimer HS401, que pertence aos recursos de Salvamento Marítimo, ten previsto realizar na mañá deste domingo voos de recoñecemento na zona de Valdoviño onde Gardacostas localizou o sábado un saco de pélets de 25 quilos.
Así o trasladou a Delegación do Goberno nunha mensaxe remitida aos medios no que sinalan que a hora de saída da aeronave do servizo de Salvamento con base en Santiago de Compostela dependerá das condicións meteorolóxicas.
O voo terá lugar na zona de Punta Frouxeira, en Valdoviño, onde o helicóptero Pesca 2 do Servizo de Gardacostas de Galicia, dependente da Xunta, localizou e recuperou o sábado un saco intacto cargado con 25 quilos de material plástico.
Escribe o teu comentario