'Eólica Así Non' chama a protestar ante o Parlamento de Galicia este luns 20 de novembro

A importancia de aproveitar os recursos naturais é proporcional a realizar este investimento dunha forma ben estudada, medida e que sexa o menos lesiva posible para o medioambiente. Desde a Coordinadora Eólica Así Non defenden que os beneficios das renovables non poden supor un prexuízo para os ecosistemas nin para os habitantes. Por iso, a organización celebrará unha protesta este 20 de novembro en Santiago de Compostela en defensa dun modelo eólico diferente ao actual.

Baixo a lema 'As leis do Capital non son de interese xeral', a plataforma, "conformada por máis de 200 colectivos e paltaformas galegas críticas co actual modelo eólico", concentrarase o vindeiro luns ante o Parlamento de Galicia ás 16:30 horas nunha xornada na que o hemiciclo debaterá a Lei de Acompañamento dos Orzamentos de Galicia. 

A protesta está motivada polas "novas leis de depredación" promovidas polo PP na Cámara autonómica. "Supoñen a entrega definitiva do país ao capital privado", denuncian, por incorporar ao texto da lei ue os prioyectos eólicos serán "de interese público superior".