Persoas xordas de Galicia celebrarán este mércores o Día Nacional das Linguas de Signos
As rúas e prazas do sete grandes cidades galegas encheranse de actividades culturais e lúdicas para achegar esta lingua á cidadanía
Este próximo mércores día 14 de xuño conmemórase o Día Internacional das Linguas de Signos Españolas. Trátase dunha data sinalada no calendario do colectivo de persoas xordas para facer así visible a súa lingua natural ante a socieda e reivindicar os seus dereitos lingüísticos.
A Federación de Asociacións de Persoas Xordas de Galicia e todas as súas asociacións afiliadas organizarán durante esta xornada en varios puntos de Galicia unha serie de actividades gratuítas para sensibilizar e difundir, co obxectivo de facer chegar a lingua de signos a todas as persoas interesadas en participar. Dentro deste conxunto de actividades haberá mesas informativas, contacontos para os máis pequenos e talleres para aprender signos básicos.
O horario destas actividades será de 17:00 a 20:00 e terán lugar na Praza da Peregrina de Pontevedra, na Praza da Consitución de Ferrol, na rúa da Raíña de Lugo, na Alameda de Santiago, na rúa do Paseo, 39, en Ourense , na Porta do Sol de Vigo e no Centro Comercial Marineda City da Coruña.
O Día Internacional das Linguas de Signos Españolas celébrase o 14 de xuño por se a data de fundación no ano 1936 do organismo de referencia para as persoas xordas en España: a Confederación Estatal de Persoas Xordas, a CEPS.
Este evento ten por obxectivo destacar a importancia que teñen as linguas de signos que historicamente foron perseguidas e marxinadas, e que en España se recoñeceron por lei no ano 2007, tanto a Lingua de Signos Española (LSE) como a Lingua de Signos Catalá (LSC).
ACENDIDO DE EDIFICIOS DE AZUL TURQUESA
Xunto con estas actividades na rúa, prevese que o 14 de xuño edificios emblemáticos de todo o país ilumínense de azul turquesa en recoñecemento a esta xornada.
En Galicia serán un en cada cidade: a fonte de Catro Camiños na Coruña, a Cidade da Cultura en Santiago de Compostela, a Ponte Romana de Ourense, a Pérgola da Praza América en Vigo , o Teatro Jofre en Ferrol e os edificios dos concellos de Lugo e Pontevedra.
Escribe o teu comentario