A XXX Festa dá Lamprea Seca en Arbo rompe todos os rexistros e consolídase no verán galego

A rebentar. Así estivo Arbo do 8 ao 10 de agosto, momento no que se celebrou a XXX Edición da Festa dá Lamprea Seca, unha cita gastronómica que xa se converteu nun evento ineludible no verán galego, declarada Festa de Interese Turístico de Galicia. Proba do éxito desta iniciativa con tres décadas de traxectoria é a marca de asistencia cultivado neste 2025, onde por momentos non cabía nin un alfinete.
 

UN ÉXITO ESTIVAL

A festa non contou só con veraneantes e veciños de Arbo, senón que tamén acudiron á localidade visitantes procedentes doutras partes de Galicia, da xeografía española e, mesmo, doutros países, o que deixa ás claras a proxección internacional desta festividade, onde non quedou comida nos pratos, tendo en conta que se esgotaron as racións de lamprea dispoñibles na feira. 

Máis de mil racións servidas en tres días de celebración que catapultan a un manxar como o da lamprea, símbolo desta localidade que recibe miles de visitantes grazas á proposta gastronómica milenaria que abandera a Arbo, sempre ben acompañada doutras actividades como a música ou o deporte, que tampouco faltou neste mes de agosto. 
 

"A Lamprea Seca, preparada en diferentes formas, foi un dos principais atractivos do evento, con degustacións de lamprea en empanada, á brasa e rechea, brindando aos asistentes a oportunidade de descubrir diversas formas de gozar desta tradición culinaria", festexan os organizadores, á vez que apuntan que os pratos estiveron regados polos viños da Denominación de Orixe Rías Baixas na Carbaleira de Turbela, un espazo que tamén serve para reivindicar o compromiso do Concello cos espazos naturais e a tradición. 
 

AO CHOIO

"A edición deste ano superou todas as expectativas en canto a afluencia e participación, reafirmando a relevancia de Arbo como capital mundial da lamprea no verán. A continuidade desta tradición, que combina cultura, deporte, música e gastronomía, segue fortalecendo a identidade da localidade e promovendo
o seu recoñecemento internacional", detallou Horacio Gil, alcalde de Arbo, á vez que asegurou que esta edición "quedará marcada como un fito na historia desta festividade".

Agora, e co bo sabor de boca aínda no padal, no Concello de Arbo prepáranse para o que virá en 2026 e xa están ao choio. Por iso, desde xa iniciaron os preparativos para a próxima edición da Festa dá Lamprea de Arbo, que na súa LXVI Edición celebrarase os días 24, 25 e 26 de abril, coa promesa de seguir rompendo todas as marcas establecidas.