O Concello de Marín expedienta á concesionaria da piscina polo monitor acusado de agresión sexual

O Concello de Marín abriulle un expediente á actual empresa concesionaria da xestión da piscina municipal, Soom Management, solicitándolle por escrito "información detallada" sobre como se realizou a contratación entre a empresa e o centro educativo do que depende o monitor denunciado por unha suposta agresión sexual a seis nenas menores.

Segundo explican nun comunciado, a xestión de persoal, tanto o subrogado da anterior concesión (tamén gañada por Soom Management) como o doutras posibles relacións laborais é unha competencia propia do adxudicatario.
 

Neste caso, relatan, a vinculación do investigado é un convenio entre o centro educativo do que depende o sospeitoso e Soom Management para a realización de prácticas no mercado laboral, "sen que teña o Concello de Marín ningunha vinculación nesta relación laboral".

Con todo, apuntan, ao tratar dunha instalación municipal, "e coa intención de auditar completamente este proceso", desde o Consistorio solicitan á empresa que faga constar por escrito como foi o proceso de contratación, si requiríuselle toda a documentación relacionada coa prevención de abusos sexuais e cales eran as funcións concretas da persoa. Ao tratar dunha persoa en prácticas, piden saber tamén quen ou quen eran os seus titores.