Trasladan a unha muller de Lalín con síntomas de intoxicación por monóxido de carbono

Unha muller tivo que ser trasladada con síntomas de intoxicación por monóxido de carbono nunha vivenda da rúa do Rodo, no municipio pontevedrés de Lalín.

Segundo informou o 112 Galicia, os feitos producíronse sobre as 11.00 horas deste domingo e a muller foi evacuada en ambulancia ao centro de saúde da localidade.

A concentración de mónoxido foi percibida polo sistema da propia ambulancia, polo que foi necesaria a participación dos equipos de emerxencia.

Até o lugar acudiron os Bombeiros do Deza, os membros do GES de Lalín e o servizo municipal de Protección Civil que realizaron diferentes medicións e que resultaron negativas.