Un incendio calcina varias vivendas e baixos deshabitados en Tui
O lume declarado na avenida de Portugal non causou danos persoais.
Un incendio calcinou varias vivendas e baixos deshabitados na avenida de Portugal, no municipio pontevedrés de Tui, que non causou danos persoais.
Segundo informou o 112, nas tarefas de extinción do incendio, que comezou sobre as 22,00 horas do venres e foi sufocado pasada a unha desta madrugada, participaron tanto medios galegos como portugueses.
O lume alcanzou cada vez máis intensidade e ameazaba con propagar con rapidez, polo que, para atallalo, foi necesario un operativo reforzado. En total, arderon 500 metros cadrados de vivendas e baixos abandonados e non houbo que lamentar persoas feridas.
Até o punto desprazouse Urxencias Sanitarias de Galicia-061, os Bombeiros do Porriño, os de Valença, os do distrito forestal da zona, Garda Civil, Protección Civil de Tui e de Viana do Castelo, a Policía Local, e a Policía Internacional de Tui.
Escribe o teu comentario