Bueu homenaxea aos falecidos na 'Vila de Pitanxo'
En Galicia só quedaría a de Vigo por homenaxear ás vítimas do barco naufragado en Terranova
O Concello de Bueu e as familias dos 21 mariñeiros falecidos no naufraxio da 'Vila de Pitanxo' realizaron este sábado un acto de homenaxe para lembrar ás vítimas do afundimento, tal e como se fixo previamente noutras localidades.
Instalaron así unha placa conmemorativa, na que se recollen os nomes de todos os mariñeiros falecidos na madrugada do 15 de febreiro de 2022 en augas de Terranova, en Canadá , no Peirao de Attilio.
A placa colocouse sobre unha pedra encargada para a ocasión e elaborada por un canteiro. A localización foi elixida pola familia de Fernando Santomé, o único veciño de Bueu que ía a bordo da 'Vila de Pitanxo'.
Segundo trasladou a portavoz das familias, María José de Pazo, o acto foi "moi emotico e moi sentido". Indicou tamén que tras as placas instaladas en Pontevedra , Cambados, Marín e Cangas, a deste sábado en Bueu foi a última da comarca de Ou Morrazo e agora en Galicia só quedaría a de Vigo.
Escribe o teu comentario